Spaghetti House

牛永安 · 發表於 2008-1-18 17:38:24

今年的生日拣佐系天河城的Spaghetti House度过，吃佐甘大个女以来最贵的一餐晏，好奢侈~~~ 其实都唔系第一次来，之前招行搞优惠活动，吃指定套餐就可以打5折，但系因为个套餐实在唔抵，于是都系单点，吃过之后觉得都ok喔，于是来佐第二次。因为Dio要去吸烟区，点知个waitress都系带翻我地去同一个位，吸烟区感觉上无非吸烟区的装修精致,，不过环境都系一样甘安静的，俾人好舒服的感觉，几岩D拖友去撑抬脚。今次Dio话要豪一餐，帮我点佐一个套餐（128），入面有我想试的龙虾汤同埋芝士焗龙虾带子天使面，另外仲有蒜香包+意式沙拉+咖啡，距自己就单点佐一份牛油果烟三文鱼焗饭（好似五十几）。虽然个套餐话系一人份，睇落好似好贵甘，但系计落都系抵过单点的，而且份量好多，我觉得两个人吃都够啦。龙虾汤几浓郁，入面好多虾肉，好有真材实料的感觉~~芝士焗龙虾带子天使面，好华丽的名，卖相好吸引，有两片好似天使翼的饼干插系上面，好靓。我觉得Spaghetti House无论焗饭定焗意粉都系好多酱汁的，唔会有饭或者意粉捞唔到酱汁，啖啖都有味。呢个芝士焗龙虾带子天使面都系一样，酸酸甜甜系呢个天使面的基调，好开胃，芝士味又会淡淡甘渗出来，入面有好多龙虾肉同带子，但系带子就唔多入味啦，淡到无味，算系一个败笔。天使面感觉上好爽口，好似变粗佐的竹升面。Dio的牛油果烟三文鱼焗饭，牛油味好浓，烟三文鱼咸，配饭吃都几好的。另外，距的咖啡都几好，我唔小心加佐好多奶，但系距D咖啡味都系好浓，唔错。虽然价钱偏高，但系份量真系好多，我地两个吃到艇佐系度，饱到郁唔到。不过价位甘高，一年来两三次就好，来得多破产都似~~ 呢餐晏仔好奢侈、但系又感觉好满足，唔单只因为味道，亦都因为心情…… 第 1 幅 天使之翼 第 2 幅 芝士焗龙虾带子天使面 第 3 幅 牛油果烟三文鱼焗饭（唔知系咪甘叫），仲有唔明白点解要用呢D类似紫砂钵来装，感觉有D奇怪~ 第 4 幅 肉啊~~~~ 第 5 幅 香浓的龙虾汤 第 6 幅 意式沙律，无乜点掂过，我唔多好沙律

文章標籤：

文章分享：

+ MORE精選文章：

相關帖子

Haunted House 3D Screensaver 2.0.0 ...

Sony 與台灣廠商合作 PS4 研發，2012 ...

社群網站瘋半數美成人愛用 ...

+ MORE活動推薦：

極致效能為遊戲而生 990 PRO SSD 玩家體驗

Micron Crucial PRO D5 6400超頻版玩家開

O11 VISION COMPACT 玩家開箱體驗分享活動

2024 三星SD記憶卡玩家開箱體驗分享活動

[飲食相關] Spaghetti House